"ევროპული საქართველო" სებ-ის პრეზიდენტს პარლამენტში იბარებს. როგორც დღეს "ევროპული საქართველის" ლიდერმა დავით ბაქრაძემ აღნიშნა, არსებული რეგლამენტის ფარგლებში პარლამენტში გამოცხადდეს კობა გვენეტაძე და ჩააბაროს ანგარიში საზოგადოებას რა შედეგები მოიტანა მის მეირ შემოღებულმა საბანკო რეგულაციებმა.
"ჩვენი, როგორც საპარლამენტო უმცირესობის მოთხოვნააა, პირველი, პარლამენტში დღეს არსებული რეგლამენტის და ფორმატის ფარგლებში მობრძანდეს ეროვნული ბანკის პრეზიდენტი და ჩააბაროს ანგარიში მთავრობას და საზოგადოებას რა შედეგები მოიტანა მის მეირ შემოღებულმა საბანკო რეგულაციებმა. მეორე, გაუქმდეს შემოღებული რეგულაციები, ვინაიდან ეს შეზღუდვა ემსახურება არა ჭარბვალიანობის აღმოფხვრას, არამედ ემსახურება ქვეყანაში ეკონომიკის შეჩერებას, უმუშევრობის ზრდას და ადამიანების ცხოვრების ხარისხის გაუარესებას“, - განაცხადა ბაქრაძემ.
მისი თქმით, ხელისუფლებამ ერთი პრობლემის მოგვარების მცდელობაში შექმნეს 10 სხვა პრობლემა და დააზიანეს ძალიან ბევრი სფერო და ადამიანი.
„რა თქმა უნდა, ჭარბვალიანობა არის ძალიან მძიმე პრობლემა ჩვენი საზოგადოებისთვის და ეს პრობლემა საჭიროებს მოგვარებას. ოღონდ საბანკო რეგულაციები არის თემა, რომელიც ძალიან კარგად აჩვენებს დღევანდელი ხელისუფლების მუშაობას. ერთი პრობლემის მოგვარების მცდელობაში შექმნეს 10 სხვა პრობლემა და დააზიანეს ძალიან ბევრი სფერო და ადამიანი. პირველი, რაც საბანკო რეგულაციებმა მოიტანა, ეს არის ძალიან მძიმე დარტყმა, რომელიც მიადგათ საყოფაცხოვრებო ტექნიკის მაღაზიებს. ასეთი მაღაზიების უმეტესობა მუშაობს განვადებით, დღეს მათი გაყიდვები არის მკვეთრად შემცირებული და საყოფაცხოვრებო ტექნიკის მაღზიების დიდი ნაწილი დგას დახურვის და გაუქმების საფრთხის წინაშე. ეს ნიშნავს დამატებით ასობით ადამიანის უმუშევრად დარჩენას", აღნიშნა ბაქრაძემ.
