აჭარის ოფიციალური დელეგაცია პოლონეთის რესპუბლიკაში ქ. კატოვიცეში შეხვედრებს მართავს.
ვიზიტის ფარგლებში სილეზიის სავოევოდოს მარშალთან იაკუბ ჩელსტოვსკისთან, სილეზიის რეგიონული პარლამენტის თავმჯდომარესთან იან კავულოკთან, სილეზიის სავოევოდოს ვიცე-მარშალთან ვოიჩეხ კალუცასთან და სავაჭრო-სამრეწველო პალატის თავმჯდომარესთან ტომაშ ჟავიონისთან შეხვედრები გაიმართა.
პოლონეთში ვიზიტით აჭარის უმაღლესი საბჭოს თავმჯდომარე დავით გაბაიძე, აჭარის ფინანსთა და ეკონომიკის მინისტრის მოადგილე თინა ზოიძე და საკანონმდელო ორგანოს წარმომადგენლები იმყოფებიან.
ოფიციალურ შეხვედრებზე მხარეებმა სავაჭრო, ეკონომიკური და პარლამენტებს შორის ახალი თანამშრომლობის პერსპექტივები განიხილეს.
