საფრანგეთის პრეზიდენტმა ემანუელ მაკრონმა გააუქმა მიუნხენის უსაფრთხოების კონფერენციაზე ვიზიტი, რომელიც მომავალ კვირას დაიწყებს მუშაობას.
ელისეის სასახლის განცხადებით, საფრანგეთის პრეზიდენტი ამჯობინებს მიმდინარე ეტაპზე ქვეყნის შიდა საკითხებზე ფოკუსირდეს და მისი საზღვარგარეთ ვიზიტი მარტის შუა რიცხვებამდე არ გაიმართება.
მაკრონი, მიუნხენის კონფერენციის ფარგლებში, არ მიიღებს მონაწილეობას ანგელა მერკელთან ერთობლივ გამოსვლებში, რომელიც აერთიანებს ასობით პოლიტიკოსს, ანალიტიკოსსა და მნიშვნელოვან ფიგურას.
ამ გადაწყვეტილების ფონია, საფრანგეთში მიმდინარე საპროტესტო აქციების ორგანიზატორების მხრიდან ხელისუფლებაზე გაზრდილი ზეწოლა. საპროტესტო აქციებმა იძულებული გახადა მაკრონი წასულიყო ბევრ დათმობაზე, მათ შორის საარსებო მინიმუმისა და საგადასახადო შეღავათების გაზრდის თვალსაზრისით.