რომის პაპი ფრანცისკე არაბეთის გაერთიანებულ საემიროებს ეწვია. ეს არის რომაელი პონტიფიკოსის პირველი ვიზიტი არაბეთის ნახევარკუნძულზე.
ვატიკანიდან განხორციელებულ ვიდეომიმართვაში, რომის პაპმა განაცხადა, რომ „ამ ვიზიტით რელიგიათაშორის ისტორიაში ახალი ფურცელი გადაიშლება, დასტურად იმისა, რომ ჩვენ ვართ დები და ძმები, მიუხედავად ჩვენი განსხვავებულობისა“.
საემიროების მოსახლეობის უმრავლესობა მუსულმანია, თუმცა დაახლოებით 1,2 მლნ ქრისტიანი ცხოვრობს.
პონტიფიკოსის ვიზიტი 5 თებერვლამდე გასტანს. საემიროების დედაქალაქში, აბუ დაბიში, ის დაესწრება რელიგიურ კონფერენციას იუდეველ და ქრისტიან ლიდერებთან ერთად. ვიზიტის მიწურულს პაპი მესას ჩაატარებს, რომელსაც დაახლოებით 135 000 მორწმუნე დაესწრება.
