ევროკავშირმა სკრიპალების საქმის გამო რუსეთის შეიარაღებული ძალების გენშტაბის მთავარი სადაზვერვო სამმართველოს (ГРУ-ს) უფროსის, მისი მოადგილისა და უწყების თანამშრომლების წინააღმდეგ სანქციები დააწესა. ბრიუსელი აცხადებს, რომ ისინი პასუხისმგებლები არიან ნერვულ-პარალიტიკური ნივთიერების შენახვაზე, ტრანსპორტირებასა და 2018 წლის 4 მარტს სოლსბერიში მის გამოყენებაზე.
სანქციები დაუწესდება ასევე სირიაში სამეცნიერო-კვლევით ცენტრს და იქ მომუშავე ხუთ პირს.
სანქციები მოიცავს ევროკავშირის ქვეყნებში შესვლის აკრძალვას და აქტივების გაყინვას. ამის გარდა ევროკავშირის ფიზიკურ და იურიდიულ პირებს ეკრძალებათ სანქციათა სიის ფიგურანტებისთვის ფინანსების გამოყოფა.