„ნაციონალური მოძრაობის“ წევრს, რომან გოცირიძის თქმით, მოსამართლეთა კანდიდატურების მიერ თვითაცილების მოთხოვნა დამოუკიდებელი გადაწყვეტილება არ იყო.
გოცირიძის თქმით, აღნიშნული სიის გაუქმების შემდეგ მნიშვნელოვანია, თუ როგორ შეირჩევიან უზენაესი სასამართლოს მოსამართლეობის კანდიდატურები.
„ეს არის პირველი გამარჯვება საზოგადოების და სწორედ საზოგადოების ზეწოლის შედეგად მოხდა ის, რომ ეს სია არ იქნება განხილული. რა თქმა უნდა, თვითინიციატივას აქ გამოვრიცხავთ, როგორც დაავალეს ამ სიის შედგენა, ასევე მიიღეს დავალება ზემოდან, რომ ამ ფორმით ყოფილიყო ამ ეტაპზე ეს პრობლემა მოგვარებული, მაგრამ ეს არ არის მთავარი, მთავარი არის მეორე ეტაპი, როგორ გაიმართება უზენაესი სასამართლოს მოსამართლეთა შერჩევა მომავალში“, - განაცხადა რომან გოცირიძემ.
შეგახსენებთ, რომ საქართველოს უზენაესი სასამართლოს მოსამართლეობის კანდიდატებმა საქართველოს პარლამენტს მიმართეს არ მიეცეს შემდგომი მსვლელობა მათი კანდიდატურების განხილვას.