ბრიტანეთის პარლამენში ტერეზა მეის მთავრობის უნდობლობის გამოცხადების შესახებ კენჭისყრა დასრულდა. კენჭისყრის შედეგების მიხედვით, ტერეზა მეიმ და მისმა მთავრობამ უნდობლობის ვოტუმი გადალახეს 325 ხმით 306 ხმის წინააღმდეგ.
დღეს, 16 იანვარს კი დიდი ბრიტანეთის პარლამენტში ქვეყნის პრემიერ-მინისტრის ტერეზა მეის უნდობლობის საკითხზე იმსჯელეს. საკითხი ოპოზიციური პარტიის, ლეიბორისტიების ლიდერმა ჯერემი კორბინმა დააყენა დღის წესრიგში.
შეგახსენებთ, რომ ბრექსიტის დოკუმენტის შესახებ კენჭისყრა ბრიტანეთის პარლამენტში გუშინ, 15 იანვარს გაიმართა. 432-მა დეპუტატმა ხმა დოკუმენტის წინააღმდეგ მისცა, ხოლო 202-მა კი მხარი დაუჭირა მთავრობის გეგმას ევროკავშირიდან გასვლის შესახებ.
უფრო დეტალურად ბრექსიტისა და კენჭისყრის ჩავარდნის შემდეგ მოსალოდნელი პროცესების შესახებ იხილეთ ლინკზე - რა არის ბრექსიტი და რა იქნება მისი მოსალოდნელი შედეგები.
