თბილისის საქალაქო სასამართლოში ხორავას ქუჩაზე მომხდარი მკვლელობის საქმეზე ცრუ ჩვენების ბრალდებით დაკავებული დ.ღ.-ს ეპიზოდზე, მთავარი მოწმის, მიხეილ კალანდიას ძმა ლუკა კალანდია დაკითხეს.
სასამართლოში, ამ წუთებში ამავე ეპიზოდზე მიხეილ კალანდიას მამა თენგიზ კალანდია იკითხება.
დღევანდელ პროცესზე 5 მოწმე იკითხება.
ადვოკატ გოჩა კვარაცხელიას მტკიცებით, დღდემდე სასამართლოში 90-მდე მოწმე დაიკითხა, თუმცა დ.ღ.-ს მიმართ წარდგენილი ბრალი არ დასტურდება. ადვოკატ ფრიდონ სიხუაშვილის თქმით, დ.ღ., რომელსაც 19 იანვარს აღკვეთის ღონისძიების ექვსთვიანი ვადა ეწურება, დღევანდელ სასამართლო პროცესზე შესაძლოა, პატიმრობიდან გაათავისუფლონ.
ცნობისთვის, მიხეილ კალანდია ხორავას ქუჩაზე მკვლელობის საქმის მთავარი მოწმეა, რომელმაც ჩვენება რამდენჯერმე შეცვალა.