აშშ-ის პრეზიდენტმა დონალდ ტრამპმა კონგრესის ლიდერ ნენსი პელოსთან და კიდევ ერთ დემოკრატ ლიდერთან ჩაკ შუმერთან მიმდინარე მოლაპარაკებები დატოვა. ინფორმაციას BBC ავრცელებს.
“ცოტა ხნის წინ დავტოვე შეხვედრა ჩაკთან და ნენსისთან, დროის ფუჭი ხარჯვაა. მე ვკითხე ნენსის თუ რა მოხდებოდა იმ შემთხვევაში მთავრობის მუშაობა 30 დღით რომ აღმედგინა, დათანხმდებოდა საზღვრის უსაფრთხოების პროექტს, რაც კედლის ან მეტალის ბარიერის მშენებლობას გულისხმობს? ნენსიმ თქვა არა! მე ვთქვი ნახვამდის! სხვა არაფერი გაჭრის“, - დაწერა დონალდ ტრამპმა, როგორც ჩანს შეხვედრის დატოვებისთანავე, მიკრობლოგ „twitter”-ზე.
შეგახსენებთ, რომ მე-19 დღეა აშშ-ის მთავრობის მუშაობა ნაწილობრივ დახურულია. დონალდ ტრამპი კონგრესისგან ამერიკა-მექსიკის საზღვარზე კედლის ასაშენებლად დაფინანსებას ითხოვს, დემოკრატები კი პრეზიდენტის ამ მოთხოვნას კატეგორიულად არ ეთანხმებიან.