მოსწავლეები ერთი კვირის შემდეგ დაუბრუნდებიან სკოლას და გაცდენილ მასალას აინაზღაურებენ, - ამის შესახებ ჟურნალისტებს განათლების მინისტრმა მიხეილ ბატიაშვილმა სწავლის პროცესის დაწყების გადადებასთან დაკავშირებით განუცხადა.
მისი თქმით, ბავშვებისა და მასწავლებლების ჯანმრთელობა ყველაზე მთავარია.
„მთელი ამ პერიოდის განმავლობაში ინტენსიურად ვაკვირდებოდით მოვლენების განვითარებას, რომელიც ეხებოდა ვირუსების გავრცელებას. დღეს მივიღეთ გადაწყვეტილება, სწავლის დაწყება ერთი კვირით გადაიდოს. ჩვენი ბავშვების ჯანმრთელობა არის ყველაზე მთავარი, ასევე მნიშვნელოვანია პედაგოგების ჯანმრთელობა. ამ პერიოდის განმავლობაში სიტუაცია მნიშვნელოვნად გამოსწორდება, ერთი კვირის შემდეგ დაუბრუნდებიან ჩვენი მოსწავლეები სკოლას და გაცდენილი მასალის ანაზღაურებას შეძლებენ“, - განაცხადა მინისტრმა.
ცნობისთვის, საჯარო სკოლებში არდადეგები 18 იანვრამდე გახანგრძლივდა.