თარიღი    დრო

როტერდამის კინოფესტივალზე 2 ქართული ფილმი იქნება წარმოდგენილი

საქართველო, თბილისი - 16:45 01.09.2019 410

წელს როტერდამის კინოფესტივალზე 2 ქართული ფილმი იქნება წარმოდგენილი. ორივე მათგანი ეროვნული კინოცენტრის მხარდაჭერითაა შექმნილი.

ნინო ჟვანიას სადებიუტო ნამუშევრის „აღლუმი“ ევროპული პრემიერა სექციაში Totally Bright Future გაიმართება.

ფილმი ბავშვობის 3 მეგობრის შემთხვევითი შეხვედრის შესახებ მოგვითხრობს. ერთ-ერთი ციხიდან ახლადგამოსული უიღბლო კრიმინალია, მეორე – ქუჩის მხატვარი, მესამე მათგანი კი ავანტურისტი მექალთანე მსახიობი. ფილმის პროდიუსერები ნიკოლოზ აბრამიშვილი და რუსუდან გლურჯიძე არიან, მთავარ როლებს კი გუგა კოტეტიშვილი, გოგა პიპინაშვილი და არჩილ ქიქოძე ასრულებენ. „აღლუმის“ მსოფლიო პრემიერა ტორონტოს საერთაშორისო კინოფესტივალზე რამდენიმე თვის წინ გაიმართა, მოგვიანებით კი “აღლუმი” თბილისის საერთაშორისო კინოფესტივალზე სექციაში “ქართული პანორამა” საუეთესო სრულმეტრაჟიანი ფილმის ჯილდოს მფლობელი გახდა.

მიშო ანთაძის სრულმეტრაჟიანი დოკუმენტური ფილმის „მოსავალი“ მსოფლიო პრემიერა ასევე როტერდამის საერთაშორისო კინოფესტივალზე შედგება. ფილმის ჩვენებები 27, 28 და 31 იანვარს სექციაში Say No More გაიმართება, პრემიერამდე 1 დღით ადრე კი „მოსავალს“ მედიის წარმომადგენლები ნახავენ.

„მოსავალი“ ქართულ-ამერიკული კოპროდუქციაა. ფილმის პროდიუსერია ნათია გულიაშვილი. მოვლენები კახეთში ვითარდება. ამ აგრიკულტურულად მდიდარი მიწის მაცხოვრებლები ახლა ვირტუალური მოსავალის მოპოვების ციებ-ცხელებით არიან შეპყრობილი. “მოსავალი” ჩუმი დაკვირვებაა ადამიანის, ლანდშაფტისა და ტექნოლოგიის ურთიერთკავშირზე კრიპტოვალუტის ეპოქაში.

როტერდამის კინოფესტივალი 1972 წელს დაარსდა, იგი მსოფლიოში ერთ-ერთი გამორჩეული ფესტივალია და აქცენტს ახალი ტალანტების აღმოჩენაზე აკეთებს. წელს როტერდამის კინოფესტივალი 23 იანვრიდან 3 თებერვლის ჩათვლით გაიმართება.




politika

ყველა სიახლის ნახვა...

konfliqtebi

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)

17:00 იჩქარეთ! აქცია განახლებული პირობებით იპოთეკურ სესხებზე ლარში ბაზისბანკისგან

13:57 თიბისი ლიზინგის ახალი პროდუქტი - ჩააბარე ძველი და გაიყვანე ახალი ავტომობილი

13:10 Global Finance-მა თიბისი ბანკი საქართველოში 2019 წლის საუკეთესო ბანკად აღიარა

12:39 უძრავი ქონების ახალი ციფრული პლატფორმის ბეტა ვერსია უკვე ყველასთვის ხელმისაწვდომია

15:12 საქართველოს ბანკი კიდევ ხუთი სოციალური საწარმოს შექმნას დააფინანსებს

12:48 სესხის დაზღვევა უკვე ონლაინ არის შესაძლებელი

11:19 სილქ დაზღვევა - სილნეტისა და თიბისი დაზღვევის ერთობლივი პროექტი

10:04 ფინკა ბანკის განვითარების ცენტრმა მსმენელების მიღება დაიწყო



arqivi


ბოლო სამი წლის განმავლობაში თქვენი პირადი შემოსავლები
გაიზარდა 84.8%
შემცირდა 12.2%
არ შეცვლილა 3%