უკრაინის პრეზიდენტმა პეტრო პოროშენკომ პატრიარქ ფილარეტს უკრაინის ეროვნული გმირის წოდება მიანიჭა. პოროშენკოს თქმით, პატრიარქ ფილარეტს უდიდესი ღვაწლი მიუძღვის უკრაინის ეკლესიის ავტოკეფალიის მოპოვებისთვის.
"ის იყო და რჩება უკრაინული ეკლესიისა და უკრაინელი ხალხის სულიერ ლიდერად. სწორედ ამიტომ გადაწყვიტა მიიღოს მანდ უკრაინის ეროვნული გმირის წოდება", - განაცხადა პეტრო პოროშენკომ.
პატრიარქი ფილარეტი (დენისენკო) უკრაინის ეკლესიის ავტოკეფალიის მოპოვებისთვის საბჭოთა კავშირის დაშლის დაიწყო. ბუნებრივია, მოსკოვის საპატრიარქო მშვიდად არ შეხვედრია ფილარეტის მოქმედებებს და ყველა ღონეს ხმარობდა უკრაინაში თავისი გავლენების გასაძლიერებლად, ფილარეტისა და მისი მომხრეების დისკრედიტაციისთვის.
1995 წლიდან კიევის მიტროპოლიტი ფილარეტი საეკლესიო კრებამ უკრაინის მართლმადიდებლური ავტოკეფალური ეკლესიის - კიევის საპატრიარქოს მწყემსმთავრად აირჩია.
1997 წელს კიევის პატრიარქი ფილარეტი მოსკოვის საპატრიარქომ ანათემას გადასცა. 2018 წლის ოქტომბერში მსოფლიო საპატრიარქომ მოუხსნა პატრიარქ ფილარეტს ანათემა და ეკლესიის სამწყსოში დააბრუნა.
2018 წლის ოქტომბერში უკრაინის მართლმადიდებელი ეკლესიის წმინდა სინოდმა პატრიარქ ფილარეტის ახალი ტიტული დაადგინა - უწმიდესი და უნეტარესი ფილარეტი, მთავარეპისკოპოსი და მიტროპოლიტი კიევისა - რუსის ქალაქთა დედისა, გალიციელი, პატრიარქი სრულიად რუს-უკრაინისა, წმიდა არქიმანდრიტი კიევ-პეჩერისა და პოჩაევის მიძინების ლავრათა.
იმავე წლის დეკემბერში უკრაინის ეკლესიების გამაერთიანებელი საეკლესიო კრების მიმდინარეობისას დამტკიცდა უკრაინის ახალი მართლმადიდებლური ეკლესიის მართვა-გამგეობის დებულება და უკრაინის ეკლესიის მწყემსმთავრად პატრიარქ ფილარეტის მონაცვლე მიტროპოლიტი ეპიფანე აირჩიეს.
2019 წლის 5 იანვარს სტამბოლში მსოფლიო პატრიარქმა ბართლომემ ხელი მოაწერა უკრაინის ეკლესიის ავტოკეფალიის ტომოსს, რითაც გამარჯვებით დასრულდა უკრაინის ეკლესიის ავტოკეფალიის მოპოვებისთვის მრავალსაუკუნოვანი ბრძოლა.