საპენსიო სააგენტოს ვებგვერდი pensions.ge საცდელ რეჟიმში ამოქმედდა. საიტზე უკვე განთავსებულია მონაცემები საპენსიო სააგენტოს სტრუქტურაზე და მოქმედ კანონმდებლობაზე.
საიტზე მოქმედებს საპენსიო მთვლელი, სადაც მოქალაქეებს შემოსავლისა და ასაკის მიხედვით სავარაუდო მისაღები პენსიის გამოთვლა შეუძლიათ.
საქართველოში დაგროვებითი საპენსიო სისტემა 2019 წლის პირველი იანვრიდან ამოქმედდება. დასაქმებულებს საპენსიო ანგარიშზე თავისი შემოსავლის ორი პროცენტის გადარიცხვა მოუწევთ, ორ პროცენტს დამსაქმებელი, ორს კი, სახელმწიფო დაამატებს. სისტემაში ჩართვა სავალდებულოა 40 წლამდე ასაკის პირებისთვის – დასაქმებულებისთვის, რომლებსაც 2018 წლის 6 აგვისტოს მდგომარეობით 40 წელი არ ჰქონდათ შესრულებული. 40-წლის ქვემოთ მოქალაქეებისთვის დაგროვებით საპენსიო სისტემაში მონაწილეობა ნაბაყოფლობითია. თუმცა, 2019 წლის პირველ იანვარს სქემაში ისინიც ჩაერთვებიან. სისტემის დატოვება მათ 2019 წლის 1 აპრილიდან 31 მაისამდე პერიოდში შეეძლებათ. თვითდასაქმებულებს სისტემაში ჩართვა ნებაყოფლობით შეუძლიათ. თუმცა, მათ ფონდში შემოსავლის 4 პროცენტის გადარიცხვა მოუწევთ. ამ შემთხვევაში, ორ პროცენტს სახელმწიფო დაამატებს.