ამფიბიას, რომელიც თავს ქვიშაში მალავს, დონალდ ტრამპის სახელი უწოდეს. ეს აქტი შესაძლოა დონალდ ტრამპის კომენტარებს კლიმატის ცვლილებების შესახებ უკავშირდებოდეს. ინფორმაციას BBC ავრცელებს.
ამფიბია ლათინური სახელწოდებით Dermophis donaldtrumpi პანამაში აღმოაჩინეს და კომპანიამ EnviroBuild მისთვის სახელის დარქმევის უფლება აუქციონზე 25 ათას დოლარად მოიპოვა.
კომპანიის წარმომადგენლებმა განაცხადეს, რომ მათ სურდათ კლიმატის ცვლილებებთან დაკავშირებით საზოგადოების ცნობიერების ამაღლება.
„სამეცნიერო კონსესუსის თავიდან ასარიდებლად დონალდ ტრამპიც „თავს ქვიშაში მალავს“, - განაცხადა კომპანიის წარმომადგენელმა.
მსოფლიოს წამყვანი მეცნიერები თანხმდებიან, რომ კლიმატური ცვლილება ადამიანებმა გამოიწვიეს, თუმცა აშშ-ს პრეზიდენტი მეცნიერებს „პოლიტიკურ მოტივებში“ადანაშაულებს და ეჭვი ეპარება, რომ დედამიწაზე ტემპერატურის ზრდა ადამიანების ბრალია.