გამოძიება მიმდინარეობს და უნდა დაველოდოთ, – ამის შესახებ პარლამენტის საგარეო ურთიერთობათა კომიტეტის თავმჯდომარე სოფიო ქაცარავამ კახეთში, 16 დეკემბერს განვითარებულ მოვლენებთან დაკავშირებით განაცხადა.
მისი თქმით, კანონის წინაშე ყველა თანასწორია, აგრესია და ძალადობა მიუღებელია.
„გამოძიება მიმდინარეობს და უნდა დაველოდოთ. თუმცა ინციდენტიდან გამომდინარე, რაც რამდენიმე დღის წინ მოხდა, პასუხი უნდა იყოს ის, რომ კანონთან ყველა თანასწორია და აგრესია და ძალადობა ყველასთვის მიუღებელია. პასუხი უნდა აგოს ყველამ, ვინც ძალადობაშია ეჭვმიტანილი“, – განაცხადა ქაცარავამ.
ცნობისთვის, 16 დეკემბერს თელავში მიმდინარე აქციის მონაწილეებმა საქართველოს პარლამენტის წევრებს გზა გადაუღობეს და ავტომობილი დაუზიანეს.