იაპონია აღშფოთებულია კურილიის კუნძულებზე კუნაშირსა და იტურუპზე რუსი სამხედროებისთვის საცხოვრებლების მშენებლობით. იაპოანიამ აღნიშნულთან დაკავშირებით შეშფოთება დოპლომატიური არხებით რუსეთს აცნობა. ინფორმაციას კიოტოს სააგენტო „კიოდო“ ავრცელებს.
„კურილიის კუნძულებზე რუსი სამხედროებისთვის საცხოვრებლების მშენებლობა გამოიწვევს სამხედროების რაოდენობის ზრდას ჩრდილოეთის ტერიტორიებზე, რომელიც ეწინააღდეგება ჩვენი ქვეყნის ინტერესებს“, - აღნიშნულია საპროტესტო ნოტაში.
იტურუპსა და კუნაშირზე ოთხი საერთო საცხოვრებელი აშენდა, სადაც წლის ბოლომდე დაახლოებით 188 სამხედროს ოჯახი დასახლდება. 2019 წელს იგეგმება კიდევ რამდენიმე საცხოვრებლის აშენება.
იაპონია პრეტენზიას კურილიის ოთხ კუნძულზე – იტურუპზე, კუნაშირზე, შიკოტანსა და ჰაბომაიზე აცხადებს. ისინი საბჭოთა კავშირმა მეორე მსოფლიო ომის დროს დაიკავა.