საქართველოს სტრატეგიული ანალიზის ცენტრის დამფუძნებელი დარწმუნებულია, რომ ის პირები, ვინც არჩევნების დღეს გაყალბებაში მონაწილეობდა, არ დაისჯებიან.
თორნიკე შარაშენიძე ამბობს, რომ ამ გზით ხელისულება დააშინებს იმ ხალხს, ვინც რეალურად 2020 წელსაც დაჭირდება. ექსპერტი გამოსავალს ელექტრონული ხმის მიცემის სისტემაში ხედავს. მისივე თქმით, მნიშვნელოვანია ასევე, რომ ყველა საარჩევნო უბანზე დამონტაჟდეს კამერები, როგორც ეს სომხეთში მოხდა.
„რეაქცია იყო წერე და იკითხე და წერე და იკითხე, საბოლოო ჯამში, მთავრდება ძალიან ცუდი რაღაცით, რაც მე არ მინდა - რევოლუციით. ძალიან ხიშრად მესმის, რომ 2003 წლის მეთოდები არ იმუშავებს და ვერ მოაწყობს ისევ რევოლუციას სააკაშვილი. მე რევოლუცია მართლა არ მინდა, რომ კიდევ მოაწყოს აქ სააკაშვილმა. მაგრამ თუ საქმეს მიიყვანენ იქამდე, რომ საქართველოს დაემსგავსება 2003 წლის ქვეყანას, მაშინ მივიღებთ იგივეს, სამწუხაროდ. იქამდე მივიდავართ, იმიტომ რომ წერე და იკითხე აქვთ ყველაფერზე რეაქცია. არ გამოიძიეს თორდიას ცემა, არ გამოიძიეს გაყალბება.. ეს ხომ გროვდება და ოდესღაც ეს ხომ იფეთქებს. მე არ ვიცი, კიდევ რა უნდა მოხდეს ამ ქვეყანაში, რომ ისწავლონ ჭკუა“, - თქვა თორნიკე შარაშენიძემ.
მან პარალელები შევარდნაძის მმართველობასთან გაავლო და განაცხადა, რომ დღესაც ხდება იგივე პრინციპის დაცვა, რომ რეაქცია ყველა სამართალდარღვევაზე იყო ნული.
