18 დეკემბერს, 17:00 საათზე, ოლიმპიურ სასახლეში საზეიმოდ დაიხურება „თბილისის სტუდენტური ფესტივალი 2018“.
ღონისძიებას საქართველოს პრემიერ-მინისტრი მამუკა ბახტაძე და დედაქალაქის მერი კახა კალაძე დაესწრებიან.
„თბილისის სტუდენტური ფესტივალი 2018“, რომელიც თბილისის მერიის ორგანიზებით იმართება, მასშტაბურ სპორტულ და კულტურულ ღონისძიებებს მოიცავს და მასში დედაქალაქში არსებული 23 სახელმწიფო და კერძო უმაღლესი სასწავლებლების 30 000-ზე მეტი სტუდენტი მონაწილეობს.