"კეთილი იყოს თქვენი მობრძანება რუსულ საქართველოში" - ამ განცხადებით საქართველოს მესამე პრეზიდენტი გუშინ,გურჯაანში განვითარებულ მოვლენებს და გაერთიანებული ოპოზიციის ერთ-ერთი ლიდერის დავით კირკიტაძის დაკავებას ეხმაურება. მიხეილ სააკაშვილმა Facebook-ის გვერდზე ვიდეომიმართვა გაავრცელა.
„დაწყებული არჩევნების მეორე ტურიდან, გუშინდელი მოვლენებით გაგრძელებული და დღევანდელი „ნაციონალური მოძრაობის“ ერთ-ერთი ლიდერის, დავით კირკიტაძის დაკავებით, მინდა გითხრათ, კეთილი იყოს თქვენი მობრძანება რუსულ საქართველოში. საქართველოში მყარდება სუფთა რუსული ტიპის რეჟიმი ივანიშვილის მიერ და რუსეთის საგარეო დაზვერვის სამსახურის აგენტის, გახარიას მიერ. ეს არის რუსული რეჟიმი, რუსული პენსიების გარეშე, რუსული შემოსავლების გარეშე. უბრალოდ, რუსული რეპრესიებით, უბრალოდ რუსული პოლიტიკური სისტემით, იფრო სწორად, პოლიტიკის საერთოდ გაქრობით. მე მესმის მეგობრებო რომ ყველას აქვს თავისი საქმე, ყველა ფიქრობს გადარჩენაზე. ქვეყანა იცლება ხალხისგან, ყველას უნდა ლუკმა-პურის მოპოვება. მე მემის, ყველას ვერ მოსთხოვ და უმეტესობას ვერ მოსთხოვ ქუჩაში დგომას, მით უმეტეს, რომ თქვენ უკვე ხმები მიეცით არჩევნებზე და არჩევნები მოიპარა ივანიშვილმა, მაგრამ იცოდეთ, კირკიტაძის განეიტრალებით, მელიას განეიტრალებით, აქტიური რეგიონების ხალხის განეიტრალებით, ივანიშვილი გართმკევთ ბოლო იმედს, რომ ამოძვრეთ ამ ნეხვიდან, სადაც ის ძირავს საქართველოს. როდესმე ამოჩვრეთ გაჭირვებიდან. როდესმე ისევ ნორმალურ ქვეყანაში ვიცხოვროთ. გაიგეთ რომ თუ ჩვენ ახლა ამ ადამიანებს არ დავუდგებით გვერდზე, ხვალ თქვენც აღარავინ დაგიცავთ და ეს ხარბო, მანიაკი ეს ახლადგამოჩეკილი დიქტატორი ოლიგარქიული, ბოლომდე გაგძარცვავთ, უკანასკნელ კაპიკებს ამოგაძრობთ ჯიბეებიდან და არ დაგაყენებთ სდაკუთარ ქვეყანაში“, - განაცხადა მიხეილ სააკაშვილმა.
გაერთიანებული ოპოზიციის ერთ-ერთი ლიდერი დავით კირკიტაძე სსკ-ს 353-ე მუხლით არის დაკავებული, რაც პოლიციისთვის წინააღმდეგობის გაწევას გულისხმობს. შინაგან საქმეთა სამინისტროში განმარტეს, რომ ველისციხეში მომხდარი დაპირისპირების გამო დაწყებულია გამოძიება და კირკიტაძის სახლთან სამართალდამცველები სწორედ ამიტომ მივიდნენ.
16 დეკემბერს კახეთში, სალომე ზურაბიშვილის ინაუგურაციის პარალელურად, "ძალა ერთობაშიას" მხარდამჭერებსა და პოლიციას შორის რამდენჯერმე მოხდა ფიზიკური დაპირისპირება. მომხდარზე გამოძიება სსკ-ს 353-ე მუხლის 1-ლი ნაწილით დაიწყო, რაც პოლიციის მიმართ მისი საქმიანობის შეწყვეტის მიზნით წინააღმდეგობას და ძალადობას გულისხმობს.
ნაციონალური მოძრაობა და გაერთიანება "ძალა ერთობაშია" თელავში, პრეზიდენტის ინაუგირაციის რონისძიების პარალალელურად აქციის გამართვას გეგმავდა. თელავისკენ მიმავალ ოპოზიციის წარმომადგენლებს თელავისკენ მიმავალი გზა, რომელიც გომბორის ქედზე გადის, სამართალდამცველების მიერ ჩაკეტილი დახვდათ. პოლიციამ მათ უთხრა, მათ უთხრა, რომ გურჯაანი-ყვარლის გზით ესარგებლათ. შემოვლით გზაზე, სოფელ ველისციხესთან ოპოზიციას გზა ჩაკეტილი დახვდა, რის გამოც ოპოზიციის მხარდამჭერებს და პოლიციას შორის სიტყვიერი და ფიზიკური დაპირისპირება მოჰყვა. საპატრულო პოლიციის უფროსმა, თეიმურაზ კუპატაძემ გურჯაანში მანქანებით შეფერხებულ ადამიანებს გზის გაგრზელება სპეციალურად გამოყოფილი ტრასნპორტით შესთავაზა. შსს-ის ცნობით, დაშავდა 7 პოლიციელი. რაც შეეხება აქციის მონაწილეებს - უწყებას მათ შესახებ ინფორმაცია არ ჰქონდა. ენმ-ის ცნობით, ოპოზიციის რიგებიდან, სულ მცირე, 4 ადამიანი დაშავდა.
