შინაგან საქმეთა სამინისტროს ცენტრალური კრიმინალური პოლიციის დეპარტამენტის დირექტორი ვლადიმერ ბორცვაძე აღნიშნავს, რომ არ არის გამორიცხული, ველისციხეში განვითარებულ მოვლენებთან დაკავშირებით ბრალდებულთა წრე გაფართოვდეს.
როგორც ბორცვაძემ ბრიფინგზე განაცხადა, გამოძიება გრძელდება.
„გამოძიება გრძელდება, ტარდება ყველა საჭირო მოქმედება. მიმდინარეობს ვიდეომასალის შესწავლა. არ არის გამორიცხული, ბრალდებულთა წრე გაფართოვდეს, რის შესახებაც საზოგადოებას დამატებით მივაწვდით ინფორმაციას“, – განაცხადა ვლადიმერ ბორცვაძემ.
ცნობისთვის, გაერთიანებული ოპოზიციის წევრი დავით კირკიტაძე დააკავეს. კირკიტაძე დაკავებულია ველისციხეში გამართულ აქციაზე პოლიციელზე თავდასხმისთვის, ფიზიკური შეურაცხყოფისა და ქონების დაზიანებისთვის.
