სალომე ზურაბიშვილს ჰქონდა ძალიან შთამბეჭდავი სიტყვა და შეეხო როგორც საგარეო, ისე საშინაო პოლიტიკურ საკითხებს, – ამის შესახებ საქართველოს პარლამენტის თავმჯდომარე ირაკლი კობახიძემ განაცხადა.
მისი თქმით, სალომე ზურაბიშვილმა სწორი აქცენტები დასვა, რისთვისაც ის მისი მადლობელია.
„რა თქმა უნდა, ჩვენთვის საერთო ამოცანა არის ნატო-სა და ევროკავშირში სრული ინტეგრაცია. სალომე ზურაბიშვილმა ბრძანა, რომ მისი საქმიანობა, რა თქმა უნდა, დაეთმობა ამ საკითხების გადაწყვეტას და საშინაო მიმართულებით, ძალიან მნიშვნელოვანი იყო განცხადება იმის თაობაზე, რომ მისი სურვილია, შეასრულოს გამაერთიანებლის როლი და მან ძალიან სწორი და კარგი აქცენტები დასვა ამასთან დაკავშირებით, რისთვისაც მას მინდა მადლობა გადავუხადო“, – განაცხადა კობახიძემ.
