ვინც ფიზიკურად ძალადობდა, შეურაცხყოფას აყენებდა პოლიციასა და პოლიციის მუნდირს, პასუხი უნდა აგოს კანონის წინაშე, – ამის შესახებ ჟურნალისტებს დედაქალაქის მერმა კახა კალაძემ განუცხადა.
მისი თქმით, დღეს რთულია ისაუბრო შეზღუდვაზე, როდესაც 2012 წლის მერე განსხვავებული მიდგომებია ამ მიმართულებით.
„დღეს საქართველოში ადამიანები არ იდევნებიან განსხვავებული აზრის გამო და არაერთი შემთხვევა შემიძლია დაგისახელოთ ამასთან დაკავშირებით. არც გუშინ არ ყოფილა არანაირი შეზღუდვა. მათ სურვილი ჰქონდათ, შესულიყვნენ დაპირისპირებაში პოლიციასთან მოეწყოთ პროვოკაციები, რომ დაემძიმებინათ ინაუგურაციის დღეს სურათი. კონკრეტული ადამიანები, ვინც ფიზიკურად ძალადობდა და შეურაცხყოფას აყენებდა პოლიციას და პოლიციის მუნდირს, პასუხი არ უნდა აგონ. აუცილებლად უნდა იქნეს გამოვლენილი ყველა ადამიანი და პასუხი აგონ კანონის წინაშე, იმ პოლიციელის წინაშე ვისაც შეურაცხყოფა მიაყენეს“, – განაცხადა კახა კალაძემ.
