საქართველოს პირველი ქალი პრეზიდენტის ინაუგურაციამ საპროტესტო აქციების ფონზე ჩაიარა - გამოცემა The Associated Press-ი სალომე ზურაბიშვილის ინაუგურაციას და ოპოზიციის საპროტესტო აქციას ეხმიანება.
სტატიაში აღნიშნულია, რომ სალომე ზურაბიშვილმა სიტყვით გამოსვლისას ქვეყნის ევროატლანტიკურ სტრუქტურებში ინტეგრაცია ერთ-ერთ უმთავრეს პრიორიტეტად მიიჩნია.
„სალომე ზურაბიშვილმა თავის საინაუგურაციო სიტყვაში განაცხადა, რომ ის იმუშავებს ქვეყნის ნატოსა და ევროკავშირში ინტეგრაციის ხელშესაწყობად.
ინაუგურაციის პარალელურად, პოლიციელები და ოპოზიციის აქტივისტები ერთმანეთს დაუპირისპირდნენ, მას შემდეგ, რაც პოლიციამ თელავამდე მისასვლელი გზა გადაკეტა“, - აღნიშნულია სტატიაში.
საქართველოს მე-5 პრეზიდენტის სალომე ზურაბიშვილის ინაუგურაცია 16 დეკემბერს, თელავში გაიმართა.
