ოპოზიცია სამოქმედო გეგმას დღეს წარადგენს. მოთხოვნები უცვლელია - ვადამდელი საპარლამენტო არჩევნები და მთავრობის გადადგომა.
ოპოზიციის ლიდერების განცხადებით, პროტესტი მშვიდობიანად გაგრძელდება და ბრძოლა არსებული ხელისუფლების წინააღმდეგ იქნება პრინციპული.
„ჩვენ უკვე გვექნება სიღრმისეული მსჯელობა გაერთიანების ლიდერებს, სადაც ჩამოვყალიბდებით ჩვენს სამოქმედო გეგმაზე. მოთხოვნები - ვადამდელი საპარლამენტო არჩევნები, მთავრობა უნდა გადადგეს, იმიტომ, რომ ის დანაშაული რაც დღეს ჩაიდინეს პირდაპირ პროპორციულია, რომ მოვითხოვოთ მათი გადადგომა და სრული დელეგიტიმაცია აუცილებლად მოხდება სალომე ზურაბიშვილი“, -აცხადებს პოლიტიკური პლატფორმა ”ახალი საქართველოს” თავმჯდომარე გიორგი ვაშაძე.
„არავის არ ჰქონდეს ილუზია, რომ ჩვენ ვაპირებთ თბილად სახლში დარჩენას. პროტესტი იქნება სხვადასხვა ფორმის, პროტესტი იქნება ნებისმიერი. ძალადობა აუცილებლად დამთავრდება და დამთავრდება ძალიან მალე“, -განაცხადა ენმ-ს ერთ-ერთმა ლიდერმა ხატია დეკანოიძემ.
შეგახსენებთ, რომ გაერთიანებული ოპოზიციის წევრები და მათი მხარდამჭერები გუშინ რუსთაველის გამზირზე შეიკრიბნენ. ისინი რუსთაველის გამზირზე მას შემდეგ მივიდნენ, რაც თბილისიდან დაძრული კოლონა თელავში არ შეუშვეს.