ხელისუფლებას ეშინია განრისხებული საქართველოს მოქალაქის - ამის შესახებ განცხადება გაერთიანებული ოპოზიციის ლიდერმა, გრიგოლ ვაშაძემ რუსთაველზე გააკეთა, სადაც ოპოზიის წარმომადგენლები შეიკრიბენენ და კარვები გაშალეს.
„მოვედით იმიტომ რომ დავილაპარაკოთ და გადავწყვიტოთ შემდგომი სამოქმედო გეგმა. ორი, სამი გეგმა გვაქვს. შერიგებას იმასთან რაც დღეს მოხდა, ჩვენ არ ვაპირებთ. იმიტომ, რომ ადამიანურად მოვდიოდით 40 კმ/სთ სისწრაფით. გაცხადებული გვქონდა, რომ ვაპირებთ მშვიდობიანი აქციის ჩატარებას. გომბორის გზა იყო გადაკეტილი. ხმა არ ამოგვიღია, მანქანა არ გაჩერებულა ისე ჩავუარეთ გვერდზე. თელავში საქართველოს მოქალაქეებს რატომ არ უშვებენ. რა უსაფრთხოების ზომაა ამისთანა, რომელსაც 30 კილომეტრი სჭირდება და ველისციხესთან უნდა დააყენონ იმდენი პოლიციელი, რამდენიც მე არ მინახია ცხოვრებაში. ანტიგლობალისტური გამოსვლები რომ არის დასავლეთში, მაშინ არ მინახავს ამდენი პოლიციელი. ძალიან ეშინიათ და ეშინიათ არა გაერთიანებული ოპოზიციის და მასში შემავალი პარტიების, არამედ ეშინიათ განრისხებული საქართველოს მოქალაქის. იმიტომ, რომ ის კადრები, რაც „რუსთავი 2“-მა აჩვენა ნათლად ამტკიცებს, რა უმსგავსობა იყო ჩადენილი ამ ვითომ არჩევნების დროს“, - განაცხადა ვაშაძემ.