თუ მოგვეხმარებიან, მათი გადაადგილება მოხდება ორგანიზებულად, - ამის შესახებ ჟურნალისტებს შინაგან საქმეთა მინისტრის მოადგილემ კახაბერ საბანაძემ ველისციხესთან განუცხადა.
მისი განმარტებით, შსს-მ გზებზე შეფერხებასთან დაკავშირებით მოსახლეობას დილით აცნობა. მისივე თქმით, საპატრულო პოლიციის წარმომადგენლებმა მოქალაქეებს აუხსნეს, რომელი მიმართულებით იქნებოდა გადაადგილება თავისუფალი. ეს იყო ყვარელი და ამ მიმართულებით უნდა ემოძრავათ.
მისივე განცხადებით, თუ ველისციხესთან განვითარებული მოვლენების დროს ვინმემ კანონი დაარღვია, გამოძიება დაიწყება და ყველა კანონის წინაშე აგებს პასუხს.
„თუ ვინმე ნაცემია, თუ ვინმე დასასჯელია, თუ დაირღვა კანონი, აუცილებლად ყველა კანონის წინაშე აგებს პასუხს. თუ იქნება სისხლის სამართლის ნიშნები, რა თქმა უნდა, დაიწყება გამოძიება და დამნაშავე სრული სიმკაცრით დაისჯება. თელავში ტარდება ღონისძიება, ჩამოსულები არიან მაღალი დონის სტუმრები, შესაბამისად ვთავაზობთ ორგანიზებულად გადაადგილებას,“ - განაცხადა საბანაძემ.
ცნობისთვის, ველისციხესთან გაერთიანებული ოპოზიციის წევრებსა და პოლიციას შორის შეხლა-შემოხლა ამ დრომდე გრძელდება.