ყველა ძალიან დიდი პასუხისმგებლობით ვეკიდებით და ვლოცულობთ, რომ კარგად ჩატარდეს, - ამის შესახებ არჩეული პრეზიდენტის, სალომე ზურაბიშვილის ინაუგურაციის ღონისძიების რეჟისორმა ბასა ფოცხიშვილმა განაცხადა.
მისი ინფორმაციით, საქართველოს ჰიმნს სამების მგალობელთა გუნდი შეასრულებს. მისივე თქმით, ასევე შესრულდება მრავალჟამიერი, რომელსაც ერთობლივად ანსამბლები - "ქართული ხმები", "რუსთავი", "ერისიონი" და "შვიდკაცა" შეასრულებენ.
მისივე განცხადებით, დღეს გამთენიისას დასრულდა სამუშაოები და ამ დროისთვის, ყველაფერი წესრიგშია.
"ინაუგურაცია არ იქნება პომპეზური, რადგან არ ახასიათებს ქართულ კულტურას. იქნება ზომიერი და თავშეკავებული",- განაცხადა ფოცხიშვილმა.
