გაერთიანებული ოპოზიციის წევრი კობა ხაბაზი პროტესტის ნიშნად გზაზე დაწვა.
მისი თქმით, სამწუხაროა, რომ საქართველოს მტრის, სალომე ზურაბიშვილის პრეზენტაციის გამო, პოლიცია ოპოზიციას გზას უკეტავს.
"8 აპრილს ჩავწექით პირველი ჯგუფი ჯავშანტრანსპორტიორების წინ და მაშინ შევაჩერეთ რუსის ჯარი. სამწუხაროდ, მეორე დღეს ტანკებით წამოვიდნენ და ვერ შევძელით შეჩერება. სამწუხაროდ, ჩემს ცხოვრებაში ეს მეორედ განმეორდა. უბრალოდ, სამწუხაროა, რომ მოღალატე, საქართველოს მტრის სალომე ზურაბიშვილის პრეზენტაციის გამო, ქართული პოლიცია აკეთებს ამას, გვიკეტავენ გზას, გამოჰყავთ ზონდერები, ცდილობენ, ხელი შეგვიშალონ და დაგვარბიონ. ეს არის სამარცხვინო ხელისუფლება", - განაცხადა კობა ხაბაზმა.
ცნობისთვის, ველისციხესთან გაერთიანებული ოპოზიციის წევრებსა და პოლიციას შორის შეხლა-შემოხლა ამ დრომდე გრძელდება.