14 დეკემბერს თბილისი საერთაშორისო კონფერენციას „ჰიდრო ნაგებობების (კაშხლების) უსაფრთხოება. განახლებადი ენერგეტიკის განვითარება 2018“ მასპინძლობს. კონფერენციაზე ქართველი და საერთაშორისო ექსპერტების მიერ განხილული იქნება ჰიდროტექნიკური ნაგებობების უსაფრთხოების საკითხები. ბოლო დროს, საქართველოში ჰიდროტექნიკურ ნაგებობებზე გახშირებულმა ავარიებმა (შუახევიჰესის გვირაბი, ბახვიჰესი, ლარსიჰესი და სხვა) კიდევ უფრო აქტუალური გახადა ჰიდროელექტროსადგურებზე ინფრასტრუქტურულ, წყალსამეურნეო და სამელიორაციო ობიექტებზე ჰიდროტექნიკური ნაგებობების უსფრთხოების უზრუნველყოფის აუცილებლობა. აშკარაა, რომ პრობლემა სისტემური ხასიათისაა და მსგავსი ინციდენტების პრევენციის მიზნით, აუცილებელია სასწრაფო ზომების მიღება. კონფერენციაზე წარმოდგენილი იქნება ახალი მიდგომები, ტექნოლოგიები და საერთაშორისო პრაქტიკა ჰიდროტექნიკური ნაგებობების კაშხლების უსაფრთხოების უზრუნველყოფისათვის.
კონფერენცია ენერგეტიკის, ელექტროენერგიისა და ტელეკომუნიკაციების მე-5 საერთაშორისო გამოფენის ელკომკავკასიის ფარგლებში, და „საქართველოს მაღალი კაშხლების ეროვნული კომიტეტის“ (Gncold)-ის ორგანიზებით ტარდება.
აღსანიშნავია, რომ კონფერენციაზე ასევე განხილული იქნება განახლებადი ენერგიებისა და მწვანე ეკონომიკის საკითხები ენერგეტიკაში. იმსჯელებენ საქართველოში განახლებადი ენერგიების ათვისებაში (ჰიდრო, ქარი, მზე) არსებული სიტუაციებისა და პრობლემების შესახებ.
კონფერენციაში მონაწილეობას მიიღებენ საერთაშორისო და ქართველი ცნობილი სპეციალისტები, მათ შორის: „საქართველოს მაღალი კაშხლების ეროვნული კომიტეტის“ თავმჯდომარე, ტექნიკურ მეცნიერებათა დოქტორი, პროფესორი დავით მირცხულავა, მანუელ ანტუნეს ვალლერი ედფ (საფრანგეთი), ალექსანდრე პაჩოუდი-კომპანიაშტუკეს ექსპერტი, შვეიცარია, აუგუსტინო ავანზი ბეტასტუდიო (იტალია), მაურო პიკოლო კომპანია ეუროკოსისდამფუძნებელი (იტალია), პროფესორი არჩილ მოწონელიძე, გია არაბიძე, , პაატა ცინცაძე, მურმან მარგველაშვილი და სხვები.
კონფერენცია, გამოფენის პარალელურად, 14 დეკემბერს 10:30 საათზე ექსპო ჯორჯიას მე-11 პავილიონში გაიმართება.
