"ქართული ოცნების" წარმომადგენლებს არ შეუძლიათ მათთვის მიუღებელი გამოსვლების ატანა და საპარლამენტო ცხოვრებისთვის შეუფერებლად იქცევიან, ქუჩურ გარჩევებს აწყობენ - ამის შესახებ "ევროპული საქართველოს" ერთ-ერთმა ლიდერმა გიგა ბოკერიამ პარლამენტში მომხდარ დაპირისპირებასთან დაკავშირებით განაცხადა.
მისი თქმით, უმრავლესობის წევრები კეთილს ინებებენ და სხდომათა დარბაზში მათთვის უსიამოვნო შეფასებების მოსმენას შეეგუებიან.
"ბევრნი არიან და მიაჩნიათ, რომ ეს მათი ძალაა. ამით ჩანს ბიძინა ივანიშვილისა და "ქართული ოცნების" სახე. ეს ცუდია პარლამენტარიზმისთვის, დემოკრატიისა და პოლიტიკის აღქმისთვის, თუმცა ეს სამწუხარო რეალობაა. დარბაზში მოუწევთ იმ აზრების მოსმენა, რაც მათთვის უსიამოვნოა. ზოგჯერ ემოციური ფონით, რადგან პოლიტიკური ლიდერები გამოხატვის სხვადასხვა ფორმით გამოირჩევიან. დემოკრატია იმის ატანაა, რაც არ მოგწონს",- განაცხადა გიგა ბოკერიამ.
ცნობისთვის, დღეს პარლამენტში დაპირისპირება მოხდა.