არ ვთვლი, რომ დღეს რამე განსაკუთრებული მოხდა, - ამის შესახებ „პატრიოტთა ალიანსის“ ერთ-ერთმა ლიდერმა ირმა ინაშვილმა პარლამენტში მომხდარ დაპირისპირებასთან დაკავშირებით განაცხადა.
მისი თქმით, მსოფლიოს პარლამენტარიზმის ისტორიაში გაცილებით უარესი დაპირისპირებების მაგალითები არსებობს.
მისივე განცხადებით, პარლამენტში აბსოლუტური განურჩევლობაა.
„ადამიანის უფლებებზე, დემოკრატიასა და თავისუფლებაზე ის ადამიანები გვესაუბრებიან, რომლებიც პოლიტიკოსების მანტიით სარგებლობენ და სისხლის სამართლის დამნაშავეები არიან. პარლამენტმა რეზოლუციას კენჭი უნდა უყაროს, რომელიც სააკაშვილ-ბოკერიას მმართველობის დამნაშავე რეჟიმად გამოცხადებას ითვალისწინებს. სანამ დამნაშავეების დასჯა არ მოხდება, სიმშვიდე არ იქნება და დემოკრატია საფრთხის ქვეშ დადგება. ეს ყველაფერი მოღალატეობრივი კოაბიტაციის შედეგია”, – განაცხადა ინაშვილმა.
ცნობისთვის, დღეს პარლამენტში დაპირისპირება მოხდა.
