12 დეკემბერს, 12:00 საათზე, საქართველოს ტექნიკურ უნივერსიტეტს იაპონიის საგანგებო და სრულუფლებიანი ელჩი საქართველოში - ტადაჰარუ უეჰარა ეწვევა.
იაპონიის ელჩი ტექნიკური უნივერსიტეტის რექტორს, აკადემიკოს არჩილ ფრანგიშვილს, სტუდენტებს, პროფესორ-მასწავლებლებსა და ადმინისტრაციის წარმომადგენლებს შეხვდება და მათთვის გამართავს საჯარო ლექციას თემაზე - „იაპონური კულტურა და იაპონური წარმოების ტრადიციული ღირებულებები“.
იაპონიის ელჩთან შეხვედრა შედგება საქართველოს ტექნიკური უნივერსიტეტის ადმინისტრაციულ კორპუსში, შეხვედრების ოთახში (მე-3 სართ.)
მისამართი: მერაბ კოსტავას 77.
