ძალიან ეჭვი მეპარება და წარმოუდგებელი მგონია, რომ ჩვენ დავბლოკოთ ამერიკის ელჩი,- ამის შესახებ ჯანდაცვის მინისტრმა დავით სერგეენკომ საქართველოში აშშ-ის ელჩის დანიშვნის საკითხზე Foreign Policy-ის მიერ გამოქვეყნებულ ინფორმაციათან დაკავშირებით განაცხადა.
მისი თქმით, მისთვის წარმოუდგენელია, რომ პოლიტიკურმა ძალამ დაბლოკოს ამერიკის ელჩი.
"მე ყველა დეტალში ჩახედული არ ვარ, მაგრამ ჩემთვის წარმოუდგენელია, რომ პოლიტიკურმა ძალამ დაბლოკოს ამერიკის ელჩი. ამას თავისი პროტოკოლი აქვს და ძალიან ეჭვი მეპარება და წარმოუდგებელი მგონია, რომ ჩვენ დავბლოკოთ ამერიკის ელჩი. ის ინიშნება, ვისაც თავის სახელმწიფო თვლის საჭიროდ",- განაცხადა სერგეენკომ.
ცნობისთვის, ამერიკული გამოცემა Foreign Policy წერს, რომ საქართველოს მთავრობამ აშშ-ის ელჩად ამერიკელი დიპლომატის ბრიჯიტ ბრინქსის კანდიდატურა დაბლოკა, რადგან მთავრობაში მიიჩნევენ, რომ ის ქვეყნის ყოფილი პრეზიდენტის, მიხეილ სააკაშვილის მიმართ ზედმეტად კეთილგანწყობილია.
