საქართველოს მიერ აშშ-ის ელჩად ამერიკელი დიპლომატის ბრიჯიტ ბრინქის კანდიდატურის დაბლოკვის შესახებ Foreign Policy-ს ინფორმაცია სიმართლეს არ შეესაბამება, - ამის შესახებ თბილისის მერმა კახა კალაძემ განაცხადა.
მისი მტკიცებით, ეს სწორი ინფორმაცია არ არის.
„ამასთან დაკავშირებით ჭორები რამდენიმე კვირის წინაც ვრცელდებოდა და შესაბამისი პასუხი იქნა გაცემული. ეს სიმართლეს არ შეესაბამება“, – განაცხადა კალაძემ.
ცნობისთვის, ამერიკული გამოცემა Foreign Policy წერს, რომ საქართველოს მთავრობამ აშშ-ის ელჩად ამერიკელი დიპლომატის ბრიჯიტ ბრინქსის კანდიდატურა დაბლოკა, რადგან მთავრობაში მიიჩნევენ, რომ ის ქვეყნის ყოფილი პრეზიდენტის, მიხეილ სააკაშვილის მიმართ ზედმეტად კეთილგანწყობილია.