აშშ-ის სახელმწიფო მდივანმა მაიკლ პომპეომ საქართველოს არჩეული პრეზიდენტი სალომე ზურაბიშვილი აშშ-ში მიიწვია. სახელმწიფო მდივანსა და არჩეულ პრეზიდენტს შორის სატელეფონო საუბარი შედგა. ინფორმაციას სალომე ზურაბიშვილის პრესსამსახური ავრცელებს.
სატელეფონო საუბრისას, მაიკლ პომპეომ სალომე ზურაბიშვილს მიულოცა საპრეზიდენტო არჩევნებში გამარჯვება და მას მომავალ საქმიანობაში წარმატება უსურვა. გარდა ამისა, მან იმედი გამოთქვა, რომ სალომე ზურაბიშვილი აშშ-ში ვიზიტს უახლოეს მომავალში განახორციელებს.
მაიკლ პომპეომ კიდევ ერთხელ დაადასტურა საქართველოს ტერიტორიული მთლიანობისა და სუვერენიტიტის მტკიცე და ურყევი მხარდაჭერა.