ე.წ. შავ სიაში შესული პირებისთვის ვალების ჩამოწერა, მათ საშუალებას მისცემს, ჩაერთონ ეკონომიკურ აქტივობაში, - ამის შესახებ საქართველოს პრემიერ-მინისტრმა მამუკა ბახტაძემ მთავრობის სხდომამდე გამართულ ბრიფინგზე განაცხადა.
მისი თქმით, მთავრობის უმთავრესი პრიორიტეტი არის ის, რომ სიღარიბე, როგორც ყველაზე მტკივნეული გამოწვევა ჩვენი ერისთვის, იქნეს დაძლეული.
„ჩვენი ეკონომიკური პოლიტიკა და ჩვენი ინიციატივები აგებულია სწორედ იმაზე, რომ ამ მიზანს ერთობლივად მივაღწიოთ. დარწმუნებული ვართ, რომ აღნიშნული ერთჯერადი სოციალური სოლიდარობის აქტი ჩვენს მოქალქეებს ვალის ტვირთს მნიშვნელოვნად შეუმსუბუქებს და მათ საშუალებას მისცემს, ჩაერთონ ეკონომიკურ აქტივობაში“, - განაცხადა ბახტაძემ.