გარემოს ეროვნული სააგენტო  2018-2019 წლის ზამთრის სეზონის პროგნოზს აქვეყნებს. „სამხრეთ-აღმოსავლეთ ევროპის რეგიონის ქვეყნების, მათ შორის საქართველოს ექსპერტების  კლიმატური პროგნოზის ფორუმზე (SEECOF-20) მომზადებული, 2018-2019 წლების ზამთრის სეზონის ამინდის  პროგნოზი, ეყრდნობა გლობალურ და ხმელთაშუა ზღვის და აღმოსავლეთ ევროპის რეგიონების დინამიკურ და სტატისტიკურ მოდელებს.

ექსპერტების დასკვნით, 2018-2019 წლების ზამთრის პერიოდში, სამხრეთ-აღმოსავლეთ ევროპის რეგიონში, მათ შორის საქართველოს ტერიტორიაზე  ამინდის ფორმირებაზე დომინანტურ როლს   წყნარ და ატლანტიკის ოკეანეებში მიმდინარე  და მოსალოდნელი პროცესები შეასრულებს.  

აღნიშულის გათვალისწინებით, მომავალი ზამთრის პერიოდში საქართველოს ტერიტორიაზე მოსალოდნელია:

- ჰაერის საშუალო ტემპერატურა ნორმასთან ახლოს ან ნორმაზე 1-2⁰ C-ით მაღალი

საქართველოს ტერიტორიაზე ზამთრის სეზონის საშუალო მრავალწლიური ტემპერატურა   (ნორმა)   დასავლეთ   საქართველოს    დაბლობზე   +5, +7⁰C;  მთაში  

0, +2⁰C; მაღალ მთაში -4, -2⁰ C; აღმოსავლეთ საქართველოს ბარში 0, +2⁰C; მთაში -2, 0⁰ C; მაღალ მთაში  -5, -3⁰ C  შეადგენს.

საქართველოს ტერიტორიაზე ზამთრის სეზონის ნალექების საშუალო მრავალწლიური რაოდენობა (ნორმა) დასავლეთ საქართველოს დაბლობზე 500-700 მმ, მთაში 300-450 მმ, მაღალ მთაში 200-400 მმ, აღმოსავლეთ საქართველოს ბარში 70-120 მმ, მთაში 80-150 მმ, მაღალ მთაში 70-150 მმ-ს  შეადგენს“.