ახალი რეგლამენტით, პარლამენტის წინაშე მთავრობის ანგარიშვალდებულება კიდევ უფრო გაიზრდება, – ამის შესახებ პარლამენტის ვიცე-სპიკერმა გია ვოლსკიმ განაცხადა.
ვოლსკის თქმით, წინა მოწვევის პარლამენტში მაღალი თანამდებობის პირების გამოცხადება, თანამშრომლობა და ანგარიშების მოსმენა ინტენსიური გახდა, ამ მოწვევის პარლამენტში კი, უკეთესი მდგომარეობაა.
„რაც ჩამოვაყალიბეთ, საპარლამენტო მმართველობის ერთ-ერთი საგანგებო და მნიშვნელოვანი გამოხატულებაა. ცვლილებებით კი, პარლამენტის წინაშე მთავრობის ანგარიშვალდებულება კიდევ უფრო გაიზრდება“, – განაცხადა პარლამენტის ვიცე-სპიკერმა.
ცნობისთვის, საქართველოს პარლამენტმა ახალი რეგლამენტი მესამე მოსმენით მიიღო. რეგლამენტის პროექტს 77-მა დეპუტატმა დაუჭირა მხარი, 2 კი, წინააღმდეგი იყო.
