ფინეთის მიერ რუსეთისგან დამოუკიდებლობის გამოცხადებიდან 101 წელი გავიდა. 1917 წლის 6 დეკემბერს ფინეთის პარლამენტმა მიიღო გადაწყვეტილება, რომ გამოსულიყო რუსეთის შემადგენლობიდან და მიეღო დამოუკიდებელი სახელმწიფოს სტატუსი (ფინეთის რესპუბლიკა - (ფინურად-Suomen tasavalta) - რუსულ-შვედური ომების გამო 1809 წელს შევიდა რუსეთის იმპერიის შემადგენლობაში, ამავე დროს შეინარჩუნა ფართო ავტონომია).
1919 წელს ფინეთმა რესპუბლიკური კონსტიტუცია მიიღო. 1920 წელს საბჭოთა რუსეთთან მშვიდობისა და საზღვრების აღიარების ხელშეკრულება დაიდო, რომლის თანახმადაც ფინეთის საზღვრი ადრინდელი დიდი საჰერცეგოს საზღვრების მიხედვით განისაზღვრა.
1939 წელს მოლოტოვ-რიბენტროპის პაქტით ფინეთი საბჭოთა კავშირის ინტერესეთა სფეროში შევიდა. რასაც 1939 წლის 30 ნოემბერს საბჭოთა კავშირის ფინეთის ტერიტორიაზე შეჭრა და ზამთრის ომი მოყვა. მრავალი წარმატებული თავდაცვითი ბრძოლების მიუხედავად, ფინეთმა დამოუკიდებლობა შეინარჩუნა, მაგრამ ტერიტორიები დაკარგა. ომი 1940 წლის 13 მარტს მოსკოვთან მშვიდობის ხელშეკრულების დადებით დამთავრდა.
