ირანის პრეზიდენტი ჰასან როჰანი ჰორმუზის სრუტეს ჩაკეტავს, თუ ამერიკის შეერთებული შტატები ირანის ნავთობის ექსპორტს აკრძალავს. როჰანმა ეს მუქარა ირანის ისლამური რესპუბლიკის სახელმწიფო ტელევიზიის ეთერში გააჟღერა.
აღსანიშნავია, რომ ჰორმუზის სრუტე, რომელიც სპარსეთის ყურეში მდებარეობს, სტრატეგიულად მეტად მნიშვნელოვანია, რადგან სწორედ მასზე მოდის მსოფლიოში ნავთობით საზღვაო გზით ვაჭრობის მესამედი.
როჰანის მხრიდან აშშ-ის მისამართით ამგვარი მუქარა ადრეც განხორციელდა, როდესაც დონალდ ტრამპმა აშშ-ი ირანის ბირთვული შეთანხმებიდან გამოიყვანა და განაცხადა, რომ ყველა ღონეს მიმართავდა, ირანის ნავთობის ექსპორტის შესაფერხებლად.