ირაკლი აბესაძე ფიქრობს, რომ ბიძინა ივანიშვილმა ახალ პრეზიდენტს მარგველაშვილის ურჩობის გათვალისწინებით ფინანსური დამოუკიდებლობის რესურსი შეუზღუდა.
„როგორც ჩანს, მარგველაშვილის ურჩობის მაგალითზე დაყრდნობით, ივანიშვილმა გადაწყვიტა მაქსიმალურად შეზღუდოს ახლადარჩეული პრეზიდენტის დამოუკიდებლობა და პოლიტიკური აქტივობა, რაც პირველ რიგში, გამოიხატება სწორედ ფინანსური დამოუკიდებლობის ჩამორთმევით, ფინანსური რესურსების მნიშვნელოვანი შეზღუდვით იმ ფონზე, როდესაც დაანონსდა ხელფასების ზრდა სხვადასხვა თვითმართველობებში. მუდმუივად იზრდება სხვადასხვა გაუგებარ აიპებში, სიპებში თუ სახელმწიფოს დაფუძნებლ შპს-ებში“, - განაცხადა აბესაძემ და აღნიშნა რომ ივანიშვილს, რომელმაც ძალიან დიდი რესურსი დაახარჯა ზურაბიშვილის პრეზიდენტად გახდომას, სურს, რომ ახალი პრეზიდენტი იყოს მხოლოდ ნომინალური ფიგურა, ყოველგვარი დამოუკიდებლობის ხარისხისა და გარანტიების გარეშე.
2019 წლის ბიუჯეტის პროქტის მიხედვით, საქართველოს პრეზიდენტის ადმინისტრაციის დაფინანსება 3 მილიონ 800 ათასი ლარით მცირდება და 6 მლნ-ს შეადგენ. მიმდინარე წელს ადმინისტრაციის ბიუჯეტი 9 მლნ 800 ათას ლარს შეადგენდა. ამასთან, 140-დან 60-მდე შემცირდება ადმინისტრაციაში დასაქმებულთა რაოდენობა. პროექტში გათვალისწინებული აღარ არის საქართველოს პრეზიდენტის სარეზერვო ფონდი, რომელიც ბოლო წლებში 5 მლნ ლარი იყო.