Volkswagen-ის შემადგენლობაში შემავალი, გერმანული საავტომობილო კომპანია Audi 2023 წლისთვის ელექტრომობილების წარმოების განვითარებისთვის 14 მლრდ ევროს ინვესტიციას განახორციელებს. ინფორმაციას „როიტერი“ ავრცელებს.
როგორც Audi-ის დირექტორთა საბჭოს თავმჯდომარე ბრამ სკოტი აცხადებს, კომპანიას ელექტრომობილების წარმოების განვითარების სისტემური მიდგომები აქვს და მომავალში ამ საკითხის მიმართ კიდევ უფრო მეტად ფოკუსირდებიან.
„ჩვენ მუდმივად უზრუნველვყოფთ ჩვენი რესურსების მაქსიმალურ მობილიზებას მომავალზე ორიენტირებული პროდუქტებისა და მომსახურებისთვის, რომელიც მომხმარებელთა ინტერესებზე იქნება მორგებული“, - განაცხადა სკოტმა.