უკრაინის პრეზიდენტი პეტრო პოროშენკო აცხადებს, რომ რუსეთი ტოტალურ იზოლაციაში იმყოფება და ამ საქმეში კიევს აქტიური როლი აქვს.
„რუსეთი დღეს ტოტალურ იზოლაციაში იმყოფება. ეს ჩვენი საერთო საერთაშორისო კოორდინაციის შედეგია. მაგრამ ხაზს ვუსვამ, რომ ჩვენს ქვეყანას ჩვენ თვითონ დავიცავთ“, - განაცხადა პოროშენკომ უკრაინული ტელეკომპანია ICTV-ის ეთერში.
მისი თქმით, უკრაინა მსოფლიოში აქტიური მოთამაშეა და საიმედო მოკავშირეები ჰყავს. „ჩვენი საერთაშორისო პოზიციის წარმატება ნათელია. დღეს კოორდინაცია აბსოლუტურად ელვისებურად ხორციელდება. უკრაინა აქტიურად მონაწილეობს ყველა საერთაშორისო ფორუმში, ჩვენ კი ვაყალიბებთ უკრინის მხარდაჭერის ძლიერ საერთაშორისო კოალიციას“, - განაცხადა პოროშენკომ.
შეგახსენებთ, რომ 25 ნოემბერს, რუსეთის მხრიდან უკრაინული გემების მიმართ თავდასხმა განხორციელდა.რუსი სამხედროების თავდასხმის შედეგად დაიჭრა 6 უკრაინელი. ყირიმის ავტონომიურ რესპუბლიკაში უკრაინის პრეზიდენტის წარმომადგენელის, ბორის ბაბინის განაცხადებით, რუს მესაზღვრეებს 20-ზე მეტი უკრაინელი სამხედრო ჰყავთ დაკავებული.
რუსული მხარე, ტრადიციულად, უკრაინას პროვოკაციის მოწყობაში ადანაშაულებს.