ისედაც ვიცით, „ევროპული საქართველო“ კაბინეტური სტილის პარტიაა, - წერს ნიკა გვარამია საკუთარ Facebook გვერდზე.
“ევროპული საქართველო რომ მიტინგის ორგანიზატორი არაა, ამით არც მიტინგს აკლდება დიდად რამე და არც ევროპულ საქართველოს. ისედაც ვიცით, რომ უფრო კაბინეტური სტილის პარტიაა. რამდენად სწორი ტაქტიქაა, უფრო მათთვისაა მნიშვნელოვანი, ვიდრე ჩვენთვის. მთავარი სტრატეგიული ერთობაა: ვადამდელი პროპორციული საპარლამენტო არჩევნები. და ეს ერთობა კვლავაც შენარჩუნებულია“, - განაცხადა გვარამიამ.
ცნობისთვის, ევროპული საქართველო გაერთიანების "ძალა ერთობაშია" მიერ კვირას დაგეგმილ საპროტესტო აქციას არ შეუერთდება, ამის შესახებ პარტიაში გამართული პოლიტსაბჭოს შემდეგ განცხადება დავით ბაქრაძემ გააკეთა. მისი თქმით, საზოგადოება გაიზარდა და აჩვენა, რომ ცვლილებებისთვის აუცილებელი აღარ არის ქუჩა, რევოლუცია და ბარიკადი.
