"სრულიად პასუხისმგებლობას მოკლებული განცხადებები მოდის ყოფილი პრეზიდენტისგან და ეს არ ემსახურება ამ ქვეყანაში სტაბილურობას და ძალიან სამწუხარო არის," - ამის შესახებ საქართველოს არჩეულმა პრეზიდენტმა სალომე ზურაბიშვილმა "ტელეკომპანია პირველის" ეთერში განაცხადა.
მისი თქმით, ამ განცხადებებს არანაირი შედეგი არ ექნება, მაგრამ მაინც სამწუხაროა, რომ ასეთი განცხადებები კიდევ კეთდება, როცა საზოგადოებამ უკვე მიიღო თავისი გადაწყვეტილება.
"ამას მგონი არანაირი შედეგი არ ექნება, მაგრამ მაინც სამწუხაროა არის ყველასთვის რომ ასეთი განცხადებები დღეს კიდევ კეთდება როცა საზოგადოებამ თავისი გადაწყვეტილება მიიღო არჩევანი გააკეთა და გააკეთა ძალიან ნათლად, ძალიან დემოკრატიულად და ძალიან მშვიდობიანად", - განაცხადა სალომე ზურაბიშვილმა.