ვთქვი, რომ ვიქნებოდი კონკორდატის გარანტორი და ეს არის ის, რასაც დავიცავ, - განაცხადა საქართველოს საპრეზიდენტო არჩევნებში გამარჯვებულმა კანდიდატმა, სალომე ზურაბიშვილმა.
ჟურნალისტმა მას წინასაარჩევნი პერიოდში ეკლესიასთან დაკავშირებული განცხდადებები შეახსენა. სალომე ზურაბიშვილმა წინასაარჩევნო პერიოდში ეკლესიის სახელმწიფო საქმეებში ჩარება გააპროტესტა.
„პროტესტი მქონდა იმაზე, რომ რამდენიმე მეუფე ძალიან პირდაპირ ერეოდა არჩევნებში და მოწოდებებში. ეს არის მიუღებელი. სამაგიეროდ, ვთქვი, რომ მე ვიქნებოდი კონკორდატის გარანტორი და ეს არის ის, რასაც მე დავიცავ. დავიცავ არა მხოლოდ იმიტომ რომ ეს ჩემი კონსტიტუციურ მოვალეობებში წერია, არამედ იმიტომ რომ მე მჯერა, ეს ხელს შეუწყობს ქვეყნის დაწყნარებას“, - განაცხადა ზურაბიშვილმა.
28 ნოემბერს, საქართველოში საპრეზიდენტო არჩევნების მეორე ტური ჩატარდა. საქართველოს მოქალაქეებმა ექვსწლიანი ვადით მეხუთე პრეზიდენტი აირჩიეს. წინასწარი შედეგებით, სალომე ზურაბიშვილი იღებს ხმების 59,52% (1147627 ხმა), ხოლო გრიგოლ ვაშაძე – 40,48%–ს (780633ხმა).მეორე ტურში ამომრჩეველთა საერთო რაოდენობა 3 528 658 შედგენდა. ცესკოს მონაცემებით, პირველ ტურში ამომრჩეველთა რაოდენობა 3 518 877-ს შეადგენდა. არჩევნები ქვეყნის მასშტაბით 3 703 საარჩევნო უბანი იყო გახნისლი, მათ შორის 55 საზღვარგარეთ, 11 კი გამონაკლის შემთხვევაში შექმნილი უბანი იყო.
ეს ბოლო არჩევნებია, როდესაც საქართველოს მოსახლეობამ სახელმწიფოს მეთაური პირდაპირი გზით აირჩია. პრეზიდენტის მიერ ფიცის დადების მომენტიდან კი კონსტიტუციის ახალი რედაქცია თავისი ერთ-ერთი წინააღმდეგობრივი ცვლილებით – პრეზიდენტის არაპირდაპირი არჩევის წესით, შევა ძალაში.