გამგებელი, ძველი ბიჭი, საკრებულოს თავმჯდომარე გვერდიგვერდ იდგნენ საარჩევნო უბანზე, - ამის შესახებ გაერთიანებული ოპოზიციის საარჩევნო შტაბის ხელმძღვანელმა გიორგი ვაშაძემ საპრეზიდენტო არჩევნების მეორე ტურთან დაკავშირებით განაცხადა.
მისი თქმით, ზონის მაყურებლები აიძულებდნენ პატიმრებს, თავის ოჯახებშიც კი დაერეკათ და წნეხი გაეკეთებინათ.
„საზოგადოებამ უნდა იცოდეს, რომ ამას ძალიან ცუდი რეაგირება მოჰყვება, რადგან ტყულად კი არ გაუკეთებიათ ძველ ბიჭებს თუ ქურდულ სამყაროს ეს ყველაფერი, კონკრეტული ინდულგენციები აქვთ ახლა გადასახდელი. გვაქვს კონკრეტული სახელები და გვარები ზონის მაყურებლების, რომლებიც მუშაობდნენ არჩევნებისთვის. გვაქვს ინფორმაცია, რომ ზონის მაყურებლები აიძულებდნენ პატიმრებს, თავის ოჯახებშიც კი დაერეკათ და წნეხი გაეკეთებინათ. ეს არის დანაშაულებრივი გარიგება „ქართულ ოცნებასა“ და დანაშაულებრივ სამყაროს შორის”, – განაცხადა გიორგი ვაშაძემ.