სადაც გაყალბების, მანიპულაციის, ძალადობის ხელი ვერ მისწვდა, ანუ საზღვარგარეთ, ჩვენ დამაჯერებლად გავიმარჯვებთ, – ამის შესახებ გაერთიანებული ოპოზიციის საარჩევნო შტაბის ხელმძღვანელმა გიორგი ვაშაძემ განაცხადა.
მისი თქმით, მათ ექნებათ სამართლებრივი დავა ამ არჩევნების ლეგიტიმაციასთან დაკავშირებით
„რაც საქართველოში ჩატარდა, ამას არ ჰქვია არჩევნები. ტოტალური მოსყიდვა, ძალადობა, როგორც საჯარო სექტორის, პოლიციის, ასევე კრიმინალური სამყაროს, დაშინება ადამიანების, ადმინისტრაციული რესურსის გამოყენება და რაც ყველაზე საგანგაშოა, ნების გამოვლენაზე პირდაპირი ზეწოლა თავად საარჩევნო უბნებზე. სადაც გაყალბების, მანიპულაციის, ძალადობის ხელი ვერ მისწვდა, ანუ საზღვარგარეთ, ჩვენ დამაჯერებლად გავიმარჯვებთ. ჩვენ გავიმარჯვეთ ავღანეთშიც. გვექნება სამართლებრივი დავა ამ არჩევნების ლეგიტიმაციასთან დაკავშირებით, ეს არის ყველა კანონის, ნორმის, წესის დარღვევით ჩატარებული პროცედურები. ეს იყო მოსყიდვის, დაშინების, ფარულობაზე პირდაპირი ზეწოლის არჩევნები. ლეგიტიმაციასთან დაკავშირებით მარტო ჩვენ არ ვსვამთ კითხვებს, სამოქალაქო სექტორს, უცხოელ დამკვირვებლებსაც აქვთ კითხვები”, – განაცხადა ვაშაძემ.