დაკრედიტება კვლავ მაღალი ტემპით განაგრძობს ზრდას და წლიურმა ზრდამ 2018 წლის ოქტომბერში, გაცვლითი კურსის ეფექტის გამორიცხვით, 18% შეადგინა - ამის შესახებ ნათქვამია ფინანსური სტაბილურობის კომიტეტის გადაწყვეტილებაში, რომელიც ეროვნულბა ბანკმა გაავრცელა.
ამავე ინფორმაციაშ აღნიშნულია, რომ საქართველოს ფინანსურ სექტორში არსებული ტენდენციები და რისკები ფინანსური სტაბილურობის კომიტეტის წინა სხდომის შემდგომ არსებითად არ შეცვლილა.
„დაკრედიტების აღნიშნული ზრდის გათვალისწინებით, სესხების მთლიან შიდა პროდუქტთან (მშპ) ფარდობა გრძელვადიან ტრენდს1 აჭარბებს, რაც მნიშვნელოვანწილად შინამეურნეობებზე გაცემული იპოთეკური სესხების ზრდით არის განპირობებული. საგარეო რისკების ფონზე, ფინანსური სტაბილურობისთვის განსაკუთრებით საყურადღებოა უცხოური ვალუტის სესხების ზრდა. ფინანსური სტაბილურობის კომიტეტი მიუთითებს ფინანსურ ინსტიტუტებს სათანადოდ მოახდინონ უცხოური ვალუტის საპროცენტო რისკების შეფასება და მათი გათვალისწინება. საპროცენტო რისკს განსაკუთრებული ყურადღება ეთმობა სტრეს სცენარების ანალიზისასაც“, - ნათქვამია ფინანსური სტაბილურობის კომიტეტის გადაწყვეტილებაში.
ფინანსური სტაბილურობის კომიტეტის მორიგი სხდომა მომავალი წლის 20 თებერვალს გაიმართება