თარიღი    დრო

კარდიოლოგია კარგ დონეზე ავიდა... ავიდა და... გავჩერდით.. თუ ასე გავჩერდით, ეს იქნება სავალალო - გულიკო ჩაფიძე

საქართველო, თბილისი - 14:15 11.21.2018 169

კარდიოლოგია მაინც კარგად მიდის, კარგ დონეზე ავიდა... ავიდა და... გავჩერდით. ერთ-ორ წელიწადში, თუ ასე გავჩერდით, ეს იქნება სავალალო, - აბობს ექიმი-კარდიოლოგი, ჩაფიძის სახელობის გადაუდებელი კარდიოლოგიის ცენტრის გენერალური დირექტორი გულიკო ჩაფიძე 1tv.ge-ზე ჟურნალისტ ია ანთაძის პროექტში „საინტერესო ადამიანები“.

მისი თქმით, დღეს საქართველოს დასავლეთს, ათიოდე წლით ჩამორჩება კარდიოლოგიაში. 

კარდიოლოგიის ცენტრის გენერალური დირექტორი ინტერვიუში ამბობს, რომ მას არასდროს მოსწონდა ადამინისტარტორობა, რადგან ის ექიმია და უნდა ექიმი იყოს თუმცა იძულებული გახდა, რადგან საქართველოში კარდიოლოგია 30-40 წლით ჩამორჩებოდა დასავლეთს, თუმცა რუსეთსაც ოდნავ ჩამორჩებოდა.

„ადრინდელ დროზე ვლაპარაკობ, 60-იან წლებზე, როდესაც რუსეთიდან ჩამოვედი და მუშაობა დავიწყე. თავიდანვე რაღაც სხვაობა ვნახე რუსეთსა და საქართველოს შორის. ეს მტკივნეული იყო იმიტომ, რომ რაც რუსეთში კეთდებოდა, იმის გაკეთება საქართველოშიც შეიძლებოდა. ექიმების პოტენციალი იძლეოდა ამის საფუძველს,  ბევრი ძალიან კარგი ექიმი გვყავდა. ახლაც არიან კარგები, მაგრამ ეს, ალბათ, ასაკთან არის დაკავშირებული... მერე ყველა ასე ლაპარაკობს ძველ დროზე. მაგრამ მართლა ძალიან კარგი ექიმები გვყავდა. საშუალება კი ნამდვილად ნაკლები გვქონდა. ჩამოვედი თუ არა, ორ წელიწადში დავიწყე აქტიურად მუშაობა, რომ ინფარქტის განყოფილება ჩამომეყალიბებინა“, - ამბობს ჩაფიძე და აღნიშნავს, რომ თუ მედიცინა მუდმივად არ ვითარდება, დონე აუცილებლად ქვევით და ქვევით დაიწევს.   

„მე ღრმად მჯერა და მარტო მე არ მჯერა - თუ მედიცინა მუდმივად არ ვითარდება, დონე აუცილებლად ქვევით და ქვევით დაიწევს. დღემდე არ არსებობს დღე, რომ სამედიცინო ლიტერატურა არ წავიკითხო. ზოგჯერ გული მტკივა ხოლმე, რომ ახალგაზრდების ცოდნის წყარო ის არის, კლინიკაში ვიღაცამ რაღაც რომ თქვა და მან გაიგო. კარგია, რაღაცას რომ გაიგებს, სხვის გამოცდილებას გაიზიარებს, მაგრამ თვითონაც ძალიან აქტიური უნდა იყოს ცოდნის შეძენაში“, - ამბობს ჩაფიძე. 




Tavdacva

ყველა სიახლის ნახვა...

sazogadoeba

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.4%
შემცირდა 11.7%
არ შეცვლილა 2.9%